本帖最後由 \塵\ 於 2010-4-18 09:25 編輯
作者反的是文字的堆砌,胡亂用上故作專業的詞彙,使一段普普通通既野睇落去好似好勁,搞到文字同人好疏遠
亂用套語的問題在中國大陸中尤其嚴重,當瀏覽中學生既作文時,第一篇你會覺得措詞優美,年紀小小就寫出咁既文章,實在唔錯。但係當睇多五、六篇用字幾乎一樣既文既時候,就會知道詞都是背出黎既,而唔係個學生有咁既文化底蘊。例如一講到某個課題,佢地就可以順口開河咁up一大堆看似高深,似懂非懂既段落出黎。然而,這也是環境逼出來的。在大陸中,背野、造假既風氣太勁,如果你認真咁去學習,然後去到運用自如先出口成文,機會早就比人爭左去。於是,為左速成,人人背書,背到好似好勁咁。
香港所謂的精英學生也有這個傾向。因為考試果陣,只係睇你果陣既表現,所以會裝就好。扮到好玄,好勁,好高深既樣,呃到人就過關。甚或,去睇一d中學生既辯論比賽既時候,往往聽到佢地起度不斷用套詞黎指責對方,「混淆視聽」、「自相矛盾」等控訴真係比比皆是。
用套詞其實也不是什麼問題,只要你言之有物,或你根本係好有文化底,唔通唔用?不過要分清楚,用得太多,就係浮誇,過尤不及。適量就好。 |